دِلّی: اسرائیلی حملے کے خلاف احتجاج

ہندوستانی دارالحکومت دِلّی میں فلسطین اور لبنان پر اسرائیلی حملوں کے خلاف احتجاجی مظاہرے ہوئے ہیں۔ احتجاج کے لیئے دِلّی کی تاریخی جامع مسجد پر ایک جلوس کا اہتمام کیا گیا تھا جس سے مذہبی رہنماؤ ں نے خطاب کیا۔

جمعہ کی نماز کے بعد ہزاروں لوگوں نے احتجاجی جلوس میں حصہ لیا اور امریکہ اور اسرائيل کے خلاف زبردست نعرے بازی کی گئی۔اس موقع پر جامع مسجد کے امام سید احمد بخاری نے کہا کہ اسرائیلی بربریت سے پوری انسانیت لرز اٹھی ہے اور اسکی جارحیت کی شدت پوری دنیا محسوس کی جا سکتی ہے۔ ’ہندوستان کی حکومت کو چاہیے کہ وہ اسرائیل سے اپنے سفارتی تعلقات ختم کر لے‘۔ انہوں نے کہا کہ ملک کی خارجہ پالیسی میں ہمیشہ فلسطین اور لبنان کو حمایت حاصل رہی ہے۔

انہوں نے کہا کہ ’اس موقع پر اسرائیل کی حمایت کرنا اور فلسطینی مسلمانوں ک ساتھ صرف زبانی ہمدردی کا اظہار کرنا کسی بھی طرح قابل قبول نہیں ہے‘۔

بطور احتجاج اسرائیل کے پر چم کو جامع مسجد کی سیڑھیوں پر بچھایا گيا تھا اور لوگ اس پر پیر رکھ کر گزر رہے تھے جبکہ کئی افراد نے فلسطینی پرچم کو اپنے ہاتھوں میں تھام رکھا تھا۔

مظاہرین کے ایک بڑے جلسے سے خطاب کرتے ہوئے مولانا نواب نقشبندی نے کہا کہ پہلے امریکہ نے لبنان سے شامی فوجیں نکلوائيں اور جب بیروت تن تنہا ہوگیا تو اسرائيل سے حملہ کروادیا۔ ’ہم مطالبہ کرتے ہیں کہ اقوام متحدہ فلسطین اور لبنان کی مدد کے لیے کوئی عملی قدم اٹھائے اور اسرائیلی بربریت کو روکے‘۔

امام احمد بخاری کا کہنا تھا کہ سیکڑوں لوگ لبنان اور فلسطین میں ہلاک ہوگئے ہیں لیکن امریکہ کا جواب ہے کہ اسرائیل کو اپنے دفاع کا حق حاصل ہے۔ انہوں نے کہا کہ پوری دنیا کے انسان برابر ہیں اور اگر امریکہ کو مسلمانوں کی ہلاکت پر کوئی افسوس نہیں تو ہمیں بھی گیاہ ستمبر کے حملے پر ذرا افسوس نہیں ہے۔

لبنان پر اسرائیلی حملے کے خلاف اس سے پہلے ہندوستان کی بائیں بازو کی جماعتوں نے بھی احتجاجی مظاہرہ کیا تھا۔ اس مظاہرے کی قیادت پارٹی کے جنرل سکریٹری پرکاش کرات نے کی تھی۔

 

SO muslims in non muslims state are protesting but we are keeping mum really bad show from our side.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: